...Og ég skal bara segja ykkur það...

...að núna á ég heimsins besta kokk fyrir ektamann...strákurinn er búinn að elda tvo sunnudaga í röð og svei mér þá ef mini-fullnæging hefur ekki skapast við útkomuna...fékk einhverja voðalega fancy kokkabók í gjöf og heimilið mun aldrei verða samt aftur...

...á sunnudaginn náði hann að toppa sig blessaður með kjúkling í sósu með frábæru sinneps- og karríbragði...er að hugsa um að vippa þeirri uppskrift yfir á fisk í kvöld þar sem skammarlegt er hve lítinn fisk ég ét...

...ég held það sér vegna þess að þegar ég var lítil þurfti maður alltaf að klára matinn sinn...hvað sem tautaði og raulaði...ef ég kláraði hann ekki eða vildi hann ekki var hann settur inní ísskáp og ég fékk ekkert annað að borða...en fiskurinn hreyfði sig ekki inní ísskáp þangað til ég gafst upp af hungri og svolgraði honum í mig...ooooojjj...ég fæ hroll við tilhugsunina...

...líka alltaf þegar var starfskynning í frystihúsum bæjarins þá fékk ég velju og ógleði á hæsta stigi aðeins við lyktina af fiski...hvað þá fiskilíkin dreifð út um fiskikörin...ojj bara...

...fiskur mun því alltaf eiga stóran hlut af mér...þó það sé ekki jákvætt...þá hefur honum þó tekist að lauma sér í innkaupakörfuna mína og á minn disk..reyndar mjög sjaldan þar sem ég keypti átta flök í maí á þessu ári og í dag eru þrjú þeirra ennþá inní frysti...
Stay black - Salinto!

...Og...

...ég hef sjaldan verið eins hauslaus og núna um helgina...kræst...ég og Íris þurftum auðvitað að lyfta okkur upp eins og okkar er von og vísa...kíktum á Classic Rock Bar (ekki spyrja) í kveðjupartí hjá Reyni Trausta...þar var hljómsveitin Sólon að spila og til að gera stutta sögu enn styttri þá gerðum við Íris garðinn frægan með þeirri ágætu hljómsveit...og drukkum auðvitað bjór út á DV...hvað annað?

...síðan var haldið á Ölstofuna og eftir þá leigubílaferð man ég lítið meira...nema þegar ektamaðurinn var að reyna að drusla bæði mér og Devito´s pizzu heim sem gekk vægast sagt ekki eins og skyldi...

...eeen svo allt í einu er ný vinnuvika byrjuð og ég búin að eyða helginni í fyllerí og svefn...sem er leitt því næstu helgi þarf ég að vinna...gaman gaman...

...eeen ætli Kristján Jóhannsson sé farinn af landinu...langaði voðalega mikið að hitta karlinn...skulda honum ennþá tvær milljónir síðan hann söng fyrir dauðvona frænku mína eitt sumarið...
Stay black - Salinto!